एकैदिन १४४६ जनामा कोरोना
कोभिड-१९ को संक्रमण बढ्न थालेसँगै आज एक हजार ४४६ जनामा संक्रमण देखिएको छ।
स्वास्थ्य तथा जनसंख्या मन्त्रालयका अनुसार ११ हजार ४२९ स्वाब परीक्षण गर्दा एक हजार ४४६ जनामा संक्रमण पुष्टि भएको हो। आइतबार १२ हजार ६३२ स्वाब परीक्षण गर्दा एक हजार १६७ जनामा कोरोना संक्रमण पुष्टि भएको हो।
जसमध्ये आठ हजार ९६५ जनाको पीसीआर परीक्षण गर्दा एक हजार ३५७ जनामा र दुई हजार ४६४ जनाको एन्टिजन परीक्षण गर्दा ८९ जनामा कोरोना देखिएको हो।
आज कोरोनाबाट दुई जनाको मृत्यु भएको छ। योसँगै मृत्यु हुनेको संख्या पनि ११ हजार ६०६ पुगेको छ।
त्यस्तै, पछिल्लो २४ घण्टामा २५५ जना निको भएका छन्। योसँगै निको हुनेको संख्या पनि आठ लाख १४ हजार ८८५ पुगेको छ।
आज दुई लाख १० हजार ५९४ जनालाई खोप लगाइएको छ। स्वास्थ्य तथा जनसंख्या मन्त्रालयले खोप लगाउन सबैलाई आग्रह गरेको छ।
-1732180391.jpg)
