काठमाडौंसँगै पाँच जिल्लामा उच्च संक्रमण

काठमाडौंसँगै देशका पाँच जिल्लामा कोरोनाभाइरसको उच्च संक्रमण देखिएको छ।

आज देशभर संक्रमण पुष्टि भएकामध्ये पाँच जिल्लामा सबैभन्दा बढी संक्रमित देखिएका छन्। आइतबार देशभर थपिएका ११६७ संक्रमितमध्ये काठमाडौं, भक्तपुर, ललितपुर, मोरङ र कास्कीमा ६९० जना छन्।

स्वास्थ्य तथा जनसंख्या मन्त्रालयका अनुसार सबैभन्दा बढी काठमाडौंमा ४९१ जनामा कोरोना देखिएको छ। त्यसपछि ललितपुरमा ९९ जनामा संक्रमण पुष्टि भएको छ।

यस्तै मोरङमा ५१, भक्तपुरमा २५ र कास्कीमा २४ जनामा कोरोना देखिएको छ। त्यसपछि रुपन्देहीमा ११ जनामा संक्रमण देखिएको छ भने अन्य जिल्लामा न्यून छ।

त्यस्तै, सक्रिय संक्रमितको संख्या पनि बढेर ६ हजार ७५५ पुगेको छ। जसमध्ये काठमाडौंमा दुई हजार ९०, ललितपुरमा ८०३ र भक्तपुरमा ५८८ जना रहेका छन्।