प्रधानमन्त्री कपका लागि सुदूरपश्चिमको टोली घोषणा
प्रधानमन्त्री कप सिनियर पुरुष राष्ट्रिय क्रिकेट प्रतियोगिताका लागि सुदूरपश्चिमको टोली घोषणा गरिएको छ।
सन्तोष भट्टको नेतृत्वमा १४ सदस्यीय टोली घोषणा गरिएको सुदूरपश्चिम प्रादेशिक प्रशिक्षक खेमराज भट्टले जानकारी दिए। सुदूरपश्चिमको टोलीमा उपकप्तान शेर मल्ल र विकेटकिपर राजु रिजाल रहेका छन्।
त्यस्तै, अन्य सदस्यमा खडक बोहरा, गजेन्द्र बोहरा, दिपक बोहरा, हेमन्त धामी, विकाश आग्री, आदित्य महता, नारायण जोशी, वसन्त कार्की, अर्जुन साउँद, दिपक टमटा र कैलाश ऐर छन्।
नरेन भट्ट, अनुराग सिंह, सत्यराज विष्ट र मिलन बोहरा वैकल्पिक खेलाडीका रुपमा छनोट भएका छन्। हालै सम्पन्न प्रदेशस्तरीय छनोट प्रतियोगितामा उत्कृष्ट प्रदर्शन गरेका आधारमा खेलाडी छनोट गरिएको सुदूरपश्चिम प्रादेशिक क्रिकेट संघले जनाएको छ।
नेपाल क्रिकेट संघको आयोजनामा प्रधानमन्त्री कप राष्ट्रिय क्रिकेट प्रतियोगिता २६ पुसदेखि काठमाडौंमा हुँदै छ। सुदूरपश्चिमले पहिलो खेल मुलपानी क्रिकेट मैदानमा २६ पुसमा नेपाल पुलिस क्लबसँग खेल्नेछ।
-1732261651.jpg)
-1732259528.jpg)
