मछिन्द्र क्लब एएफसी कप क्वालिफायरमा छनोट
मछिन्द्र फूटबल क्लबले एएफसी कप क्वालिफायरको छनोट खेल्न पाउने भएको छ।
शहीद स्मारक ‘ए’ डिभिजन लिगको साविक विजेता मछिन्द्र आइतबार नेपाल पुलिस क्लबलाई १-० गोलले पराजित गर्दै क्वालिफायरमा छनोट भएको हो। खेलमा मछिन्द्रका सुनील बलले गरेको एक मात्र गोल निर्णायक भयो।
लिगको सातौं चरणको खेलपछि शीर्ष स्थानमा रहने क्लबले एएफसी खेल्न पाउने व्यवस्था अनुसार मछिन्द्रले बाजी मारेको हो। मछिन्द्र १७ अङ्क सहित शीर्षस्थानमा छ। दोस्रो स्थानको मनाङ मर्स्याङ्दीले १६ अङ्क जोडेको छ।
गत वर्ष लिग विजेता भएर पनि मछिन्द्रले एएफसी कपको छनोट खेल्न पाएको थिएन।
-1732261651.jpg)
-1732259528.jpg)