२० हजार स्वाब परीक्षण गर्दा ३८२ मा कोरोना
_1637578137.jpg)
कोभिड-१९ परीक्षण बढाएसँगै सङ्क्रमितको सङ्ख्या पनि बढेको छ। आज दुई महीनायताकै सबैभन्दा बढी सङ्क्रमित पुष्टि भएका छन्।
स्वास्थ्य तथा जनसङ्ख्या मन्त्रालयका अनुसार, आज २० हजार ९५९ जनाको स्वाब परीक्षण गर्दा ३८२ जनामा सङ्क्रमण पुष्टि भएको छ। यसअघि २६ कात्तिकमा ३९७ जनामा सङ्क्रमण देखिएको थियो। त्यसयता सङ्क्रमण पुष्टि हुने क्रम घट्दै आएको थियो।
त्यस्तै, पछिल्लो २४ घण्टामा २५२ जना निको भएका छन्। योसँगै निको हुनेको सङ्ख्या पनि आठ लाख १२ हजार २१० पुगेको छ।
आज कोरोनाबाट कसैले पनि ज्यान गुमाउनुपरेको छैन। अहिलेसम्म ११ हजार ५९४ जनाले ज्यान गुमाइसकेका छन्।
शनिबार ५९ हजार ११२ जनालाई कोरोना विरुद्धको खोप लगाइएको छ। योसँगै पहिलो डोज लगाउनेको सङ्ख्या एक करोड ४० लाख ३६ हजार ६६१ पुगेको छ। त्यस्तै, पूर्ण खोप पाउनेको सङ्ख्या पनि एक करोड तीन लाख ८४ हजार ५५१ पुगेको छ।
-1732180391.jpg)
-1732099242.jpg)