स्वर्ण पदक पाउने विद्यार्थीलाई नेपाल ब्यांकको सम्मान
नेपाल ब्यांक लिमिटेडले त्रिभुवन विश्वविद्यालय व्यवस्थापन सङ्काय अन्तर्गत स्नातक तहमा सर्वोत्कृष्ट स्थान हासिल गरी ‘नेपाल ब्यांक लिमिटेड छत्रमान सिंह केसी स्वर्ण पदक’ प्राप्त गरेकी छात्रा बबिता ग्वाछालाई सम्मान गरेको छ।
प्रधान कार्यालय धर्मपथ, काठमाडौंमा १४ पुसमा आयोजित कार्यक्रममा ब्यांकका प्रमुख कार्यकारी अधिकृत कृष्णबहादुर अधिकारीले ग्वाछालाई सम्मान गरेका हुन्।
भक्तपुरको बागेश्वरी कलेजमा अध्ययनरत ग्वाछालाई त्रिभुवन विश्वविद्यालयको ४७औं दीक्षान्त समारोहमा स्वर्ण पदक प्रदान गरिएको थियो।
२०२२ सालमा एक लाख रुपैयाँको अक्षय कोष स्थापना गरी शुरू भएको उक्त पदक त्रिभुवन विश्वविद्यालय व्यवस्थापन सङ्कायमा सर्वोत्कृष्ट हुनेलाई प्रत्येक वर्ष दिन गरिन्छ।
-1732261651.jpg)
-1732259528.jpg)