थारूतर्फको सहमहामन्त्रीमा उमाकान्त चौधरी निर्वाचित
नेपाली कांग्रेसको थारूतर्फको सहमहामन्त्रीमा उमाकान्त चौधरी निर्वाचित भएका छन्।
शुक्रबार सम्पन्न मतगणनामा प्रतिस्पर्धी तेजुलाल चौधरीलाई ७७३ मतले पराजित गर्दै उनी सहमहामन्त्री बनेका हुन्। उनले २५४५ मत प्राप्त गरेका छन्।
त्यस्तै, सहमहामन्त्रीका अर्का उम्मेदवार तेजुलालले १७७२ मत प्राप्त गरेको कांग्रेस केन्द्रीय निर्वाचन समितिले जनाएको छ।
सहमहामन्त्रीमा निर्वाचित उमाकान्त कांग्रेस सभापति शेरबहादुर देउवा पक्षका हुन्। त्यस्तै, तेजुलाल डा. शेखर कोइराला पक्षबाट उम्मेदवार बनेका हुन्।
कांग्रेसका आठ वटा सहमहामन्त्रीमध्ये सात वटा क्लस्टरको परिणाम आइसकेको छ। महिला, दलित र आदिवासी जनजातितर्फको बिहीबार नै परिणाम आएको थियो।
आज मतगणना भएका खस-आर्यतर्फ किशोरसिंह राठौर, मुस्लिमतर्फ फरमुल्लाह मन्सुर र पिछडिएको क्षेत्रतर्फ बद्री पाण्डे सहमहामन्त्रीमा निर्वाचित भएका छन्। अब मधेशीतर्फको सहमहामन्त्रीको परिणाम आउन बाँकी छ।
-1732180391.jpg)
-1732099242.jpg)
