बुद्ध एयरको जहाज भरतपुरमा आपत्कालीन अवतरण
बुद्ध एयरको जहाज भरतपुरमा आपत्कालीन अवतरण गरेको छ।
भरतपुरबाट उडान भरेको केही बेरमै यान्त्रिक गडबडी आएपछि पुनः भरतपुरमै अवतरण गरेको हो। नागरिक उड्डयन प्राधिकरण भरतपुरका सूचना अधिकारी दीपक विकले दिउँसो १ः१६ बजे आकाशमा उड्ने बित्तिकै प्राविधिक समस्या देखिएको क्याप्टेनले जनाएपछि तत्काल भरतपुरमै अवतरण गरिएको बताए।
जहाज अवतरणपछि सबै यात्रु सकुशल बाहिर निस्किएका छन्। अन्य कारणबारे खोजी भइरहेको उनले जानकारी दिए।
बुद्ध एयरको जहाजमा १८ यात्रु र चालक दलका सदस्य रहेका थिए। जिल्ला प्रहरी कार्यालय चितवनका प्रमुख प्रहरी उपरीक्षक ओमप्रकाश अधिकारीले यात्रु र चालक दल सबै सकुशल रहेको बताए।
कुनै समस्या हुन सक्ने भन्दै दमकल तयारी अवस्थामा राखिएको छ। यससँगै यहाँबाट हुने हवाई उडान प्रभावित भएको छ। (रासस)
-1732261651.jpg)
-1732259528.jpg)
