आज १३ हजार स्वाब परीक्षण गर्दा ३४१ जनामा कोरोना
_1637578137.jpg)
आज देशभर ३४१ जनामा कोरोनाभाइरसको संक्रमण देखिएको छ।
स्वास्थ्य तथा जनसंख्या मन्त्रालयका अनुसार १३ हजार २३६ जनाको स्वाब परीक्षण गर्दा ३४१ जनामा कोरोना देखिएको हो। जसमा १० हजार ४१६ जनाको पीसीआर परीक्षण गर्दा ३१३ जनामा र २ हजार ८२० जनाको एन्टिजन परीक्षण गर्दा २८ जनामा कोरोना देखिएको हो।
कोरोना संक्रमणबाट तीन जनाको मृत्यु भएको छ। योसँगै कोरोनाबाट मृत्यु हुनेको संख्या ११ हजार ५५७ पुगेको छ।
पछिल्लो २४ घण्टामा ३७६ जना निको भएका छन्। योसँगै निको हुनेको संख्या पनि ८ लाख ७ हजार १५४ पुगेको छ। अझै ५ हजार ८२४ जना सक्रिय संक्रमित छन्।
आज १ लाख ८७ हजार ६६४ जनालाई कोरोना विरुद्धको खोप लगाइएको छ। योसँगै अहिलेसम्म १ करोड १४ लाख ५७ हजार ३५ जनालाई पहिलो डोज र ९३ लाख २ हजार १९ जनालाई पूर्ण खोप लगाइएको छ।
-1732353496.jpg)
