प्रकाशमान सिंहले दिए सभापतिमा उम्मेदवारी
_1639216291.jpg)
नेपाली कांग्रेसको सभापति पदमा प्रकाशमान सिंहले उम्मेदवारी दिएका छन्।
कांग्रेस केन्द्रीय निर्वाचन समितिको कार्यालय पुगेर सिंहले सभापतिमा उम्मेदवारी दिएका हुन्। उनी आफ्नो टिमसहित उम्मेदवारी दर्ता गर्न कांग्रेसको महाधिवेशनस्थल भृकुटीमण्डप पुगेका थिए।
त्यस्तै, नेत्री सुजाता कोइरालाले उपसभापति पदमा उम्मेदवारी दिएकी छन्। उनले सिंहको टिमबाट उपसभापतिमा उम्मेदवारी दिएकी हुन्।
यसअघि युवा नेता कल्याण गुरुङले सभापतिमा उम्मेदवारी दिइसकेका छन्। कांग्रेस वरिष्ठ नेता रामचन्द्र पौडेलले भने प्रतिस्पर्धा नगर्ने घोषणा गरिसकेका छन्।
त्यस्तै, कांग्रेस केन्द्रीय सदस्य डा.शेखर कोइरालाले पनि सभापतिमा उम्मेदवारी दर्ता गर्न लागेका छन्। संस्थापन पक्षबाट शेरबहादुर देउवाले पनि सभापतिमा उम्मेदवारी दिने भएका छन्।
कांग्रेस केन्द्रीय निर्वाचन समितिले आज साँझ ५ बजेसम्म उम्मेदवारी दर्ता गर्ने समय तोकेको छ। नेतृत्व चयनका लागि २७ मंसीरमा मतदान हुनेछ।
-1732180391.jpg)
-1732099242.jpg)
