रियलमीको नार्जो सिरिज सार्वजनिक
-min_1638706189.jpg)
स्मार्टफोन ब्रान्ड रियलमीले मुरारका ग्रुपसँग मिलेर नेपालमा नार्जो सिरिज ल्याएको छ।
रियलमीले नार्जो ५० आई र नार्जो ५० ए सिरिज सार्वजनिक गरेको हो।
स्मार्टफोन सार्वजनिक गर्दै मुरारका ग्रुपका निर्देशक शिरीष मुरारकाले संसारकै सबैभन्दा चाँडो वृद्धि भइरहेको स्मार्टफोन ब्रान्डसँग पार्टनरसिप गर्न पाउँदा आफ्नो कम्पनीले गौरव महसूस गरेको बताए। यी दुई स्मार्टफोनले युवाको मन जित्ने मुरारकाले दाबी गरे।
नार्जो ५० एमा मिडिया टेक हेलियो जी ८५ र २.० गिगाहर्जको शक्तिशाली अक्टा–कोर प्रोसेसर छ। यसमा ५० मेगापिक्सलको ट्रिपल एआई क्यामेरा छ।
यसको अगाडिपट्टि एआई ब्युटी पोट्रेट मोड र हाई डेफिनिशनयुक्त ८ मेगापिक्सलको क्यामेरा भएको कम्पनीले जनाएको छ। नार्जो ५० एमा ६००० एमएएचको ब्याट्री, ६.५ सेन्टिमिटर मिनी ड्रप डिस्प्ले, फिङ्गर प्रिन्ट सेन्सर, फेस रेकग्निशन लगायत विशेषता छन्।
त्यसै गरी नार्जो ५० आईमा अक्टा–कोर प्रोसेसर छ। यसमा ५००० एमएएचको ब्याट्री, ६.५ सेन्टिमिटर डिस्प्ले लगायत विशेषता छन्। यी सिरिजका स्मार्टफोनको मूल्य १२ हजार ४९९ देखि २१ ह्जार १९९ सम्म छ।
-1732353496.jpg)
