स्वस्तिक आयललाई उत्कृष्ट निर्यात कम्पनीका रूपमा सम्मान
केएल दुगड समूह अन्तर्गतको स्वस्तिक आयल इण्डष्ट्रिज प्रालिलाई उत्कृष्ट निर्यात कम्पनीका रूपमा सम्मान गरिएको छ।
गत आर्थिक वर्ष २०७७/७८ मा मोरङ सुनसरी औद्योगिक कोरिडोरबाट सर्वाधिक निर्यात गरी मुलुकको व्यापार घाटा न्यूनीकरण गर्न सघाएको भन्दै मोरङ व्यापार संघले सम्मान गरेको हो।
उक्त सम्मान संघको ६५औं वार्षिक साधारण सभाको अवसरमा अर्थमन्त्री जनार्दन शर्माबाट इण्डष्ट्रिजका सञ्चालक विकास दुगडलाई हस्तान्तरण गरिएको हो।
स्वस्तिक आयल इण्डष्ट्रिजले स्वस्तिक सोयाबिन तेल, धारा हेल्थ सनफ्लावर तेल, सनफ्लो सनफ्लावर जस्ता तेल उत्पादन र बिक्री, वितरण गर्दै आएको छ।
-1732180391.jpg)
