कांग्रेस गण्डकीको सभापतिमा शुक्रराज शर्मा विजयी
नेपाली कांग्रेस गण्डकीको सभापतिमा शुक्रराज शर्मा विजयी भएका छन्।
आइतबार सम्पन्न मतगणनामा अर्जुनप्रसाद जोशीलाई पराजित गर्दै शर्मा विजयी भएका हुन्। उनले ६१२ मत पाएका छन् भने जोशीले ५२८ मत पाएका छन्।
त्यस्तै, उपसभापतिमा कल्पना तिवारी र मेखलाल श्रेष्ठ विजयी भएका छन्। तिवारीले ६२४ र श्रेष्ठले ५५६ मत ल्याए। अर्का दुई उम्मेदवार हरिप्रसाद श्रेष्ठले ५४८ र नेत्रबहादुर महतले ४५७ मत प्राप्त गरे।
महामन्त्रीमा किरणबाबु श्रेष्ठ र विष्णुप्रसाद लामिछाने विजयी भएका छन्। श्रेष्ठले ५७३ र लामिछानेले ५६४ मत पाएका छन्। अर्का दुई उम्मेदवार ईश्वर पाण्डेले ४७३ र कुमार खड्काले ५५६ मत पाएका छन्।
यसै गरी, सहमहामन्त्रीमा कोपिला रानाभाट विजयी भएकी छन्। उनले ५९२ र अर्की प्रत्याशी ओमकला गौतमले ५१४ मत पाए।
पुरुषतर्फ सहमहामन्त्रीमा रमेशकुमार पाण्डे र रामचन्द्र जोशी निर्वाचित भएका छन्। पाण्डेले ६०५ र जोशीले ५७० मत पाए। अर्का तीन उम्मेदवार झुलबहादुर आलेले ४८८, राजनराज पन्तले ४४१ र युवराज बास्कोटाले ९२ मत पाए।
-1732180391.jpg)
-1732099242.jpg)
