कांग्रेस कर्णालीको सभापतिमा देउवा पक्षका शाही विजयी
नेपाली कांग्रेस कर्णाली प्रदेश सभापतिमा ललितजंग शाही सहित प्यानल नै विजयी भएको छ।
आइतबार बिहान सम्पन्न मतगणना अनुसार, ललितजंगले भूपेन्द्रजंग शाहीलाई ९१ मतले पराजित गरेका छन्। ललितजंगले ४२२ मत पाएका छन् भने भूपेन्द्रजंगले ३७१ मत पाएका छन्। प्रदेश सभापतिमा अर्का प्रत्याशी मोतीराज बमले जम्मा ७ मत पाएका छन्।
ललितजंगलाई सभापति शेरबहादुर देउवा र भूपेन्द्रजंगलाई वरिष्ठ नेता रामचन्द्र पौडेल पक्षको समर्थन थियो। बमलाई कांग्रेस उपसभापति विमलेन्द्र निधि पक्षको समर्थन थियो।
उपसभापतिमा ललितजंगकै प्यानलका कालीबहादुर सहकारी र सनतकुमारी कार्की विजयी भएका छन्। त्यस्तै, महामन्त्रीमा निरञ्जन केसी र कृष्णकुमार रोकाया निर्वाचित भएका छन्।
सहमहामन्त्रीमा उपेन्द्रबहादुर थापा, एकराज डाँगी र रामछायाँकुमारी शाही निर्वाचित भएको निर्वाचन समितिले जनाएको छ।
प्रदेश कार्यसमितिका सदस्यको मत गणना जारी छ।
-1732180391.jpg)
-1732099242.jpg)
