आज निको हुनेभन्दा सङ्क्रमितको सङ्ख्या धेरै
_1637578137.jpg)
कोभिड-१९ बाट निको हुनेभन्दा आज पनि नयाँ थपिएका सङ्क्रमितको सङ्ख्या धेरै रहेको छ।
स्वास्थ्य तथा जनसंख्या मन्त्रालयका अनुसार, आज ११ हजार ४०३ जनाको स्वाब परीक्षण गर्दा ३१५ जनामा कोरोनाभाइरसको सङ्क्रमण देखिएको छ। जसमध्ये नौ हजार ५११ को पीसीआर परीक्षण गर्दा २९८ जनामा र एक हजार ८९२ को एन्टिजेन परीक्षण गर्दा १७ जनामा सङ्क्रमण पुष्टि भएको हो।
पछिल्लो २४ घण्टामा कोरोनाबाट ६ जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ५३५ पुगेको छ।
स्वास्थ्य मन्त्रालयका अनुसार, पछिल्लो २४ घण्टामा २०१ जना निको भएका छन्। बुधबार २५९ जना निको भएका थिए।
अहिलेसम्म निको हुनेको सङ्ख्या आठ लाख तीन हजार ३६९ पुगेको छ। अझै सात हजार ४५ जना सक्रिय सङ्क्रमित छन्।
-1732180391.jpg)
-1732099242.jpg)