मतदान सकियो, केहीबेरमै मतगणना हुने
नेकपा (एमाले)को नेतृत्व चयनका लागि बिहानैदेखि शुरू भएको मतदान सकिएको छ।
एमाले केन्द्रीय निर्वाचन आयोगका अनुसार, मतदानको कार्यक्रम सम्पन्न भएको छ। दुई हजारको हाराहारीमा मत खसेको आयोगले जनाएको छ। दुई हजार १५३ मतदाता रहेका थिए।
एमालेको १०औं महाधिवेशनमा विद्युतीय भोटिङ मेसिनबाट मतदान भएको हो। केही बेरमै मतगणना प्रारम्भ हुने आयोगले जनाएको छ।
अध्यक्ष सहित, उपाध्यक्ष, सचिव र केही केन्द्रीय सदस्यका लागि मतदान भएको छ। अध्यक्षमा केपी शर्मा ओली र भीम रावल उम्मेदवार छन्।
त्यस्तै, ६ उपाध्यक्षका लागि सात जना उम्मेदवार छन्। घनश्याम भुसाल, युवराज ज्ञवाली, अष्टलक्ष्मी शाक्य, सुरेन्द्र पाण्डे, रामबहादुर थापा, विष्णु पौडेल र सुवास नेम्वाङबीच प्रतिस्पर्धा छ।
त्यस्तै, सात सचिवमा नौ जना उम्मेदवार छन्। भीम आचार्य, टंक कार्की, टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण विष्ट र पद्मा अर्यालबीच प्रतिस्पर्धा छ।
-1732353496.jpg)
-1732261651.jpg)
