दश तस्वीरमा हेर्नुस् एमालेको दशौं महाधिवेशन

संघीय संसद्को सबैभन्दा ठूलो दल नेकपा (एमाले)को दशौं महाधिवेशन चितवनमा शुरू भएको छ।

एमाले अध्यक्ष तथा पूर्व प्रधानमन्त्री केपी शर्मा ओलीको अध्यक्षतामा शुक्रबार शुरू महाधिवेशनको उद्घाटन समारोहमा प्रधानमन्त्री तथा नेपाली कांग्रेसका सभापति शेरबहादुर देउवा, जनता समाजवादी पार्टीका अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर, नेकपा (माओवादी केन्द्र)का नेता लीलामणि पोखरेल, राष्ट्रिय जनमोर्चाका अध्यक्ष चित्रबहादुर केसी, राष्ट्रिय प्रजातन्त्र पार्टीका अध्यक्ष कमल थापा, एमाले नेता रामबहादुर थापा लगायतले सम्बोधन गरेका थिए।

दुई हजार तीन सय प्रतिनिधि सहभागी महाधिवेशनको बन्द सत्र शनिबारदेखि सौराहामा सञ्चालन हुने भएको छ। महाधिवेशन नयाँ नेतृत्व चयन गर्दै १२ मंसीरमा सम्पन्न हुने एमालेले जनाएको छ।