राजनीतिक दलकै कारण सबैतिर निराशा छ : केसी
राष्ट्रिय जनमोर्चाका अध्यक्ष चित्रबहादुर केसीले राजनीतिक दलकै कारण अहिले सबैतिर निराशा छाएको बताएका छन्।
शुक्रबार चितवनमा आयोजित नेकपा (एमाले)को १०औं राष्ट्रिय महाधिवेशन उद्घाटन समारोहमा शुभकामना मन्तव्य राख्दै अध्यक्ष केसीले सबै राजनीतिक दल सच्चिनुपर्ने बताए।
“संसद् अस्तव्यस्त छ। कार्यकारिणी राम्रो छैन। न्यायपालिकाभित्र पनि राम्रो छैन। सबैतिर निराशा छ,” केसीले भने, “यो सबै हाम्रै कारणले भएको हो। हामी सच्चिनुपर्छ।”
सबै मिलेर नै गणतन्त्र र धर्मनिरपेक्षता ल्याएको उनको भनाइ थियो। अब यसको रक्षाका लागि पनि सबै मिलेर अघि बढ्नुपर्ने केसीको जोड थियो।
-1732353496.jpg)
-1732261651.jpg)
