एमाले महाधिवेशनमा ५७६ महिला प्रतिनिधि छनोट
नेकपा (एमाले)को १०औं महाधिवेशनका लागि ५७६ जना महिला प्रतिनिधि छनोट भएका छन्।
अहिलेसम्म आएको प्रतिनिधिको सूचीमा ५७६ महिला पुगेको एमालेले जनाएको छ। मंगलबार बसेको स्थायी कमिटी बैठकमा यस सम्बन्धी विवरण पेश गरिएको थियो।
मंगलबारसम्म दुई हजार १२७ जना महाधिवेशन प्रतिनिधिको सूची केन्द्रमा आएको छ। जसमध्ये निर्वाचित प्रतिनिधि एक हजार ८८९ रहेका छन्। त्यस्तै, पदेन प्रतिनिधिका रूपमा २३८ जना छनोट भएका छन्।
अहिलेसम्म छनोट भएकामध्ये ५७६ जना महिला प्रतिनिधि छन्। जसमा ६२ जना दलित महिला प्रतिनिधि रहेको एमालेले जनाएको छ।
अब प्रदेश २ का महोत्तरी र रौतहट तथा मजदूर र भूपू सैनिकबाट गरी ६७ जना प्रतिनिधि छनोट हुन बाँकी छन्।
त्यस्तै, १०३ जना मनोनीत हुन बाँकी रहेको एमालेले जनाएको छ। एमाले केन्द्रीय कमिटीले ५ प्रतिशत महाधिवेशन प्रतिनिधि मनोनीत गर्ने व्यवस्था रहेको छ।
एमालेको १०औं महाधिवेशन १० देखि १२ मंसीरमा चितवनमा हुन लागेको छ।
-1732353496.jpg)
-1732261651.jpg)