आज ३५१ सङ्क्रमित थपिए, नौ जनाको मृत्यु
_1637578137.jpg)
कोरोनाभाइरस सङ्क्रमितको सङ्ख्यामा कमी आए पनि मृत्यु हुनेको सङ्ख्या भने घट्न सकेको छैन। आज थप नौ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, १० हजार १७४ जनाको स्वाब परीक्षण गर्दा ३५१ जनामा कोरोना देखिएको छ। जसमध्ये आठ हजार ७२९ जनाको पीसीआर परीक्षण गर्दा ३१३ जनामा र एक हजार ४४५ जनाको एन्टिजेन परीक्षण गर्दा ३८ जनामा कोरोना देखिएको हो।
पछिल्लो २४ घण्टामा कोरोनाबाट नौ जनाको ज्यान गएको छ। योसँगै कोरोनाबाट ज्यान गुमाउनेको सङ्ख्या ११ हजार ५०९ पुगेको छ।
त्यस्तै, मंगलबार २७३ जना निको भएका छन्। अहिलेसम्म आठ लाख ८९० जना निको भइसकेका छन्। अझै पनि सात हजार तीन सय सक्रिय सङ्क्रमित छन्।
आज देशभर ९८ हजार ५११ जनालाई कोभिड-१९ विरुद्धको खोप लगाइएको छ। अहिलेसम्म ९२ लाख ६ हजार १८७ जनाले पहिलो डोज र ७९ लाख ९० हजार १९० जनाले पूर्ण खोप लगाएका छन्।
-1732180391.jpg)
-1732099242.jpg)