आजबाट १२ वर्षमाथिका दीर्घरोगीलाई फाइजर खोप

आजबाट देशभर १२ वर्षमाथिका दीर्घरोगीलाई कोभिड-१९ विरुद्धको फाइजर खोप लगाउन थालिएको छ।

देशभरका खोप केन्द्रबाट बिहान १० बजेदेखि फाइजर खोप लगाउन शुरू गरिएको स्वास्थ्य तथा जनसंख्या मन्त्रालयले जनाएको छ। १२ वर्षभन्दा माथिका दीर्घरोगीलाई दुई चरणमा खोप लगाइनेछ।

पहिलो चरणमा आजदेखि ४ मंसीरसम्म र दोस्रो चरणमा २७ मंसीरदेखि २ पुससम्म खोप लगाइनेछ।

स्वास्थ्य मन्त्रालयका अनुसार, मुटुको शल्यक्रिया गरेका वा औषधि सेवन गरिरहेका, मिर्गौला फेरेका, डायलासिस गरिरहेका वा औषधि सेवन गरिरहेका व्यक्तिलाई खोप लगाइनेछ।

त्यस्तै, क्यान्सरको उपचार गराइरहेका, फोक्सो सम्बन्धी रोगको औषधि सेवन गरिरहेका, अङ्ग प्रत्यारोपण गरेका, उच्च रक्तचाप वा मधुमेह भई चिकित्सकको निगरानीमा उपचार गराइरहेका व्यक्तिलाई फाइजर खोप लगाउन पाउनेछन्।

यससँगै रोग प्रतिरोधात्मक क्षमता कम भएका, मस्तिष्क र मस्तिष्कको रक्तनली सम्बन्धी रोग भएका व्यक्तिलाई पनि फाइजर खोप लगाउन स्वास्थ्य मन्त्रालय अनुरोध गरेको छ। खोप लगाउन जाँदा अस्पताल वा चिकित्सकले जारी गरेको उपचार सम्बन्धी कागजपत्र बोकेर जानुपर्नेछ।

यसका लागि स्वास्थ्य मन्त्रालयले सातै प्रदेशमा खोप केन्द्र तोकेको छ। सम्बन्धित खोप केन्द्रमा गएर खोप लगाउन स्वास्थ्य मन्त्रालयले अनुरोध गरेको छ।

खोप केन्द्र :