पाँचथरमा बस दुर्घटना, चार जनाको मृत्यु
पाँचथरको फिदिम नगरपालिका–४ सखरखण्डेमा बस दुर्घटना हुँदा चार जनाको मृत्यु भएको छ।
दुर्घटनामा ६१ यात्रु घाइते भएका छन्। पाँचथरको यासोकबाट फिदिम जाँदै गरेको को १ ख ३८६५ नम्बरको बस सडकबाट २० मिटर तल झरेको थियो।
दुर्घटनामा घाइते भएकामध्ये दुई बालबालिका र दुई महिलाको उपचारका क्रममा मृत्यु भएको प्रदेश प्रहरी कार्यालय विराटनगरले जनाएको छ।
मोरङ, लेटाङ नगरपालिका–६ का ७ वर्षीय प्रज्वल मगर, इलाम निवासी ३४ वर्षीया प्रमिला देवान र उनका ७ महिने छोरा निश्चल देवान तथा पहिचान खुल्न नसकेकी एक महिलाको मृत्यु भएको छ।
दुर्घटनामा गम्भीर घाइते भएका ११ जनालाई थप उपचारका लागि झापा पठाइएको प्रदेश प्रहरीका उपरीक्षक नवीनकुमार राईले जानकारी दिए।
- कमल रिमाल
-1732452683.jpg)
-1732353496.jpg)