राजीव काफ्लेको रिहाइ माग गर्दै माइतीघरमा प्रदर्शन (तस्वीरहरू)

नेपालमा गाँजा खेती फुकुवा गर्ने अभियानमा संलग्न राजीव काफ्लेलाई रिहाइ गर्न माग गर्दै सोमबार माइतीघर मण्डलमा प्रदर्शन गरिएको छ।

गाँजा खेती गर्न पाउनुपर्ने अभियानमा लागेका काफ्लेलाई २१ भदौमा प्रहरीले पक्राउ गरेको थियो। उनलाई विना कसूर हिरासतमा राखेको जनाउँदै तत्काल रिहा गर्न माग गरी नेपाल गाँजा वैधानिक महाअभियानले माइतीघर मण्डलमा प्रदर्शन गरेको हो।

उनीहरूले काफ्लेलाई ससम्मान रिहाइ गर्न, संसद्‌मा दर्ता भएको गाँजा खेती सम्बन्धी विधेयक प्रक्रियामा लैजान माग गरेका छन्। प्रहरीले काफ्लेलाई हिरासतमा राखेको दुई सातासम्म पनि सञ्चार माध्यमले वास्ता नगरेकोमा उनीहरूले आक्रोश जनाएका छन्।

तस्वीर

राजीव काफ्लेको रिहाइ माग गर्दै माइतीघरमा प्रदर्शन (तस्वीरहरू)

अमित मचामसी सोमबार, असोज ४, २०७८

राजीव काफ्लेको रिहाइ माग गर्दै माइतीघरमा प्रदर्शन (तस्वीरहरू) — तस्वीरहरू : अमित मचामसी/हिमालखबर