आज ३८ सयमा कोरोना, २० को मृत्यु
आज पनि देशभर कोरोनाभाइरस संक्रमितको संख्या बढेको छ। हिजोको हाराहारीमै स्वाब परीक्षण गर्दा चार सयभन्दा बढी संक्रमित थपिएका छन्।
स्वास्थ्य तथा जनसंख्या मन्त्रालयका अनुसार, देशभर १७ हजार ५१८ जनाको स्वाब परीक्षण गर्दा तीन हजार ८९९ जनामा कोरोना देखिएको हो। सोमबार तीन हजार ४२१ जनामा कोरोना देखिएको थियो।
१२ हजार ६५५ जनाको पीसीआर परीक्षण गर्दा दुई हजार ७२६ जनामा कोरोना देखिएको छ। त्यस्तै, चार हजार ८६३ जनाको एन्टिजेन परीक्षण गर्दा एक हजार १७३ जनामा कोरोना देखिएको स्वास्थ्य मन्त्रालयले जनाएको छ।
आज कोरोनाबाट २० जनाको मृत्यु भएको छ। सोमबार २५ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ७५८ पुगेको छ।
पछिल्लो २४ घण्टामा एक हजार ७७८ जना निको भएका छन्। सोमबार एक हजार ६८६ जना निको भएका थिए।
-1732180391.jpg)
