१३ हजार स्वाब परीक्षण गर्दा २२ सयमा कोरोना
आज देशभर कोरोनाभाइरस संक्रमितको संख्या केही घटेको छ भने मृत्यु हुनेको संख्या बढेको छ।
स्वास्थ्य तथा जनसंख्या मन्त्रालयका अनुसार, १३ हजार ८३४ जनाको स्वाब परीक्षण गर्दा दुई हजार २३७ जनामा कोरोना देखिएको छ। शनिबार तीन हजार ११४ जनामा कोरोना देखिएको थियो।
आज १० हजार ५६९ जनाको पीसीआर परीक्षण गर्दा एक हजार ५३९ जनामा र तीन हजार २६५ जनाको एन्टिजेन परीक्षण गर्दा ६९८ जनामा कोरोना देखिएको हो।
आज कोरोना संक्रमणबाट १८ जनाको मृत्यु भएको छ। शनिबार १६ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ७१३ पुगेको छ।
त्यस्तै, पछिल्लो २४ घण्टामा दुई हजार ५० जना निको भएका छन्। शनिबार दुई हजार ७१९ जना निको भएका थिए। अझै पनि देशभर सक्रिय संक्रमितको संख्या २७ हजार २२८ रहेको छ।
-1732261651.jpg)
-1732259528.jpg)
-1732180391.jpg)
