काठमाडौंमा आज पनि बढे कोरोना संक्रमित
_1625549359.jpg)
आज काठमाडौं उपत्यकामा कोरोनाभाइरस संक्रमतिको संख्या बढेको छ।
स्वास्थ्य तथा जनसंख्या मन्त्रालयका अनुसार, आज उपत्यकाका तीनै जिल्लामा ७५१ जनामा संक्रमण देखिएको छ। बुधबार ६९७ जनामा संक्रमण देखिएको थियो।
पछिल्लो २४ घण्टामा काठमाडौंमा ५३६, ललितपुरमा १३० र भक्तपुरमा ८५ जनामा कोरोना देखिएको छ। बुधबार काठमाडौंमा ४९०, ललितपुरमा १२८ र भक्तपुरमा ७९ जनामा कोरोना देखिएको थियो।
योसँगै तीनै जिल्लामा सक्रिय संक्रमितको संख्या पनि बढेको छ। सक्रिय संक्रमितको संख्या काठमाडौंमा पाँच हजार ९१६, ललितपुरमा एक हजार ६१ र भक्तपुरमा ९३५ पुगेको छ। देशभर सक्रिय संक्रमितको संख्या २७ हजार ३७५ पुगेको छ।
आज देशभर दुई हजार ७१४ मा कोरोना देखिएको छ भने २४ जनाको मृत्यु भएको छ। कोरोनाबाट एक हजार २८८ जना निको भएका छन्।
-1732259528.jpg)
-1732180391.jpg)
