महन्थ ठाकुरले भने- देउवालाई विश्वासको मत दिन्छौं
जनता समाजवादी पार्टी (जसपा)का अध्यक्ष महन्थ ठाकुरले प्रधानमन्त्री शेरबहादुर देउवालाई विश्वासको मत दिने बताएका छन्।
आइतबार प्रतिनिधि सभाको बैठकमा बोल्दै अध्यक्ष ठाकुरले भने, “हामी प्रधानमन्त्री शेरबहादुर देउवालाई विश्वासको मत दिन्छौं।”
उनले प्रधानमन्त्री देउवालाई बधाई पनि दिएका छन्।
ठाकुरले प्रधानमन्त्री देउवाले राखेको विश्वासको मतको प्रस्तावमाथि बोल्दै पक्षमा भोट दिने बताएका हुन्। उनले यसअघि नेपाली कांग्रेसका प्रधानमन्त्री सुशील कोइरालालाई पनि विश्वासको मत दिएको स्मरण गरे।
प्रधानमन्त्री देउवाले विश्वासको मतका लागि पत्र पठाएको र त्यसलाई आफूहरूले स्वीकार गरेको बताए। “वर्तमान प्रधानमन्त्रीजीले विश्वासको मतका लागि पत्र पठाउनुभएको थियो, त्यसलाई हामीले स्वीकार गरेका छौं। विश्वासको मत दिन्छौं,” ठाकुरले भने।
-1732261651.jpg)
-1732259528.jpg)
