आज कोरोना संक्रमितभन्दा निको हुने धेरै
आज देशभर कोरोनाभाइरस संक्रमितभन्दा निको हुनेको संख्या धेरै रहेको छ। कोरोनाबाट मृत्यु हुनेको संख्या पनि घटेको छ।
स्वास्थ्य तथा जनसंख्या मन्त्रालयका अनुसार, १० हजार ६६ जनाको स्वाब परीक्षण गर्दा एक हजार ८७५ जनामा संक्रमण देखिएको हो। जसमध्ये ६ हजार ८५८ जनाको पीसीआर परीक्षण गर्दा एक हजार ३१० र तीन हजार २०८ जनाको एन्टिजेन परीक्षण गर्दा ५६५ जनामा कोरोना देखिएको हो।
त्यस्तै, आज कोरोनाबाट २१ जनाको मृत्यु भएको छ। शुक्रबार ४३ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ५२७ पुगेको छ।
पछिल्लो २४ घण्टामा कोरोना निको हुनेको संख्या भने बढेको छ। आज दुई हजार १६४ जना निको भएका छन्। शुक्रबार एक हजार ७७५ जना निको भएका थिए।
-1732261651.jpg)
-1732259528.jpg)
-1732180391.jpg)
