महान्यायाधिवक्तामा खम्मबहादुर खाती नियुक्त
सरकारको कानूनी सल्लाहकार महान्यायाधिवक्तामा खम्मबहादुर खाती नियुक्त भएका छन्।
राष्ट्रपति विद्यादेवी भण्डारीले बिहीबार खातीलाई महान्यायाधिवक्ता नियुक्त गरेको राष्ट्रपतिको कार्यालयका सहायक प्रवक्ता केशवप्रसाद घिमिरले जनाएका छन्। प्रधानमन्त्री शेरबहादुर देउवाको सिफारिशमा राष्ट्रपतिले महान्यायाधिवक्ता नियुक्त गरेकी हुन्।
राष्ट्रपति कार्यालयले प्रेस विज्ञप्ति जारी गरी नेपालको संविधानको धारा १५७ को उपधारा २ बमोजिम राष्ट्रपति भण्डारीले महान्यायाधिवक्ता नियुक्त गरेको जनाएको छ। महान्यायाधिवक्ता नियुक्त खाती बाजुराका बासिन्दा हुन्।
-1732261651.jpg)
-1732259528.jpg)
