कोरोनाबाट ३३ जनाको मृत्यु, २६ सय संक्रमित थपिए
कोरोनाभाइरसको संक्रमणबाट देशभर हिजोको तुलनामा आज धेरैको ज्यान गएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा कोरोना संक्रमणबाट ३३ जनाको मृत्यु भएको छ। बुधबार १८ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ४६३ पुगेको छ।
त्यस्तै, आज दुई हजार ६७६ जनामा कोरोनाको संक्रमण देखिएको छ। देशभर १२ हजार ७६८ जनाको स्वाब परीक्षण गरिएको थियो। जसमध्ये आठ हजार २५६ जनाको पीसीआर परीक्षण गर्दा एक हजार ७८२ र चार हजार ५१२ जनाको एन्टिजेन परीक्षण गर्दा ८९४ जनामा कोरोना देखिएको हो।
पछिल्लो २४ घण्टामा कोरोनाबाट एक हजार ७५७ जना निको भएका छन्। बुधबार एक हजार ६०६ जना निको भएका थिए।
-1732261651.jpg)
-1732259528.jpg)
-1732180391.jpg)
