आज काठमाडौंमा बढे कोरोना संक्रमित
_1625549359.jpg)
काठमाडौं उपत्यकामा हिजोको तुलनामा आज कोरोनाभाइरस संक्रमितको संख्या बढेको छ।
स्वास्थ्य तथा जनसंख्या मन्त्रालयका अनुसार, आज उपत्यकामा ५८७ जनामा संक्रमण पुष्टि भएको छ। सोमबार ४३३ जनामा संक्रमण देखिएको थियो।
आज काठमाडौंमा ४१०, ललितपुरमा ९७ र भक्तपुरमा ८० जनामा कोरोना देखिएको छ। सोमबार काठमाडौंमा २८९, ललितपुरमा ९० र भक्तपुरमा ५४ जनामा कोरोना देखिएको थियो।
योसँगै सक्रिय संक्रमितको संख्या काठमाडौंमा पाँच हजार ४६४, ललितपुरमा एक हजार २७१ र भक्तपुरमा एक हजार १४ पुगेको स्वास्थ्य मन्त्रालयले जनाएको छ।
आज देशभर दुई हजार ३९८ जनामा संक्रमण देखिएको छ भने दुई हजार ७८ जना निको भएका छन्। त्यस्तै, कोरोनाबाट १२ जनाको मृत्यु भएको छ।
-1732535850.jpg)
-1732452683.jpg)
