आज निको हुनेभन्दा संक्रमित धेरै, २० जनाको मृत्यु
आज देशभर कोरोनाभाइरसबाट निको हुनेभन्दा संक्रमित हुनेको संख्या धेरै रहेको छ। कोरोनाबाट २० जनाले ज्यान गुमाएका छन्।
पछिल्लो २४ घण्टामा ११ हजार ३१३ जनाको स्वाब परीक्षण गर्दा दुई हजार २३९ जनामा कोरोना संक्रमण देखिएको हो। जसमध्ये ६ हजार ६५७ जनाको पीसीआर परीक्षण गर्दा एक हजार ४७९ जनामा र चार हजार ६५६ जनाको एन्टिजेन परीक्षण गर्दा ७६० जनामा कोरोना देखिएको स्वास्थ्य तथा जनसंख्या मन्त्रालयले जनाएको छ।
त्यस्तै, कोरोनाबाट आज २० जनाको ज्यान गएको छ। बिहीबार १९ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ३४० पुगेको छ।
पछिल्लो २४ घण्टामा एक हजार ३१६ जना निको भएका छन्। बिहीबार एक हजार २८६ जना निको भएका थिए। अझै पनि सक्रिय संक्रमितको संख्या २६ हजार ५९० रहेको छ।
-1732261651.jpg)
-1732259528.jpg)
-1732180391.jpg)
