यूरो कप : इटाली फाइनलमा प्रवेश
स्पेनलाई पराजित गर्दै इटाली यूरो कपको फाइनलमा प्रवेश गरेको छ।
गएराति भएको खेलमा टाइब्रेकरमा स्पेनलाई ४-२ पराजित गर्दै इटाली फाइनलमा प्रवेश गरेको हो। पेनाल्टी सुटआउटमा इटालीका लागि फेडेरिको बेन्टान्कुर, आन्द्रे बेलोट्टी, जर्जिन्हो र लियोनार्दो बोनुचीले गोल गरेका थिए भने म्यानुअल लोकाटेलीको प्रहार स्पेनका किपर उनाइ सिमोनले रोकेका थिए।
त्यस्तै, स्पेनका जेरार्ड मोरेनो, थिएगो अल्कान्टारले गोल गरे भने अल्भारो मोराटाको प्रहार इटालीका किपर जियानलुइजी डोनारुमाले रोकेका थिए। स्पेनका ड्यानी ओल्मोको प्रहार बाहिरिएको थियो।
पहिलो हाफमा दुवै टीमले गोल गर्न सकेनन्। दोस्रो हाफको ६०औं मिनेटमा फेडेरिको चिएसाले गोल गर्दै इटालीलाई अग्रता दिलाए। खेलको ८०औं मिनेटमा अल्भारो मोराटाले गोल गर्दै स्पेनलाई बराबरीमा ल्याएका थिए।
अब आज राति हुने इंग्ल्यान्ड र डेनमार्कको विजेतासँग इटाली उपाधिका लागि भिड्नेछ।
-1732261651.jpg)
-1732259528.jpg)