आज निको हुनेभन्दा संक्रमित धेरै, २३ जनाको मृत्यु
आज देशभर कोभिड-१९ बाट निको हुनेभन्दा संक्रमितको संख्या धेरै रहेको छ। कोरोनाभाइरसको संक्रमणबाट २३ जनाले ज्यान गुमाएका छन्।
स्वास्थ्य तथा जनसंख्या मन्त्रालयका अनुसार, ११ हजार ५२७ जनाको स्वाब परीक्षण गर्दा दुई हजार ६२२ जनामा कोरोनाभाइरसको संक्रमण देखिएको हो। आइतबार एक हजार ६०३ जनामा संक्रमण देखिएको थियो।
सोमबार सात हजार ४९९ जनाको पीसीआर परीक्षण गर्दा एक हजार ७४५ जनामा र चार हजार २४ जनाको एन्टिजेन परीक्षण गर्दा ८७७ जनामा कोरोना देखिएको स्वास्थ्य मन्त्रालयले जनाएको छ।
त्यस्तै, आज कोरोनाबाट २३ जनाको मृत्यु भएको छ। आइतबार २७ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार २४८ पुगेको छ।
पछिल्लो २४ घण्टामा कोरोनाबाट दुई हजार २२१ जना निको भएका छन्। आइतबार दुई हजार ५५२ जना निको भएका थिए।
-1732259528.jpg)
-1732180391.jpg)
