आज परीक्षण घटाउँदा संक्रमित पनि घटे
आज देशभर कोभिड-१९ को परीक्षण घटेसँगै संक्रमितको संख्या पनि घटेको छ।
स्वास्थ्य तथा जनसंख्या मन्त्रालयका अनुसार, आज देशभर आठ हजार १३२ जनाको स्वाब परीक्षण गर्दा एक हजार ६०३ जनामा कोरोना पुष्टि भएको छ। हिजो १० हजार १३३ जनाको स्वाब परीक्षण गर्दा दुई हजार ३२८ जनामा संक्रमण देखिएको थियो।
त्यस्तै, आज कोरोनाबाट २७ जनाको मृत्यु भएको छ। शनिबार १९ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार दुई सय २५ पुगेको छ।
पछिल्लो २४ घण्टामा देशभर दुई हजार ५५२ जना निको भएका छन्। शनिबार तीन हजार ६६ जना निको भएका थिए।
आज काठमाडौं उपत्यकामा ४६१ जनामा संक्रमण देखिएको छ। शनिबार काठमाडौं उपत्यकामा ३७६ जनामा कोरोना संक्रमण पुष्टि भएको थियो।
-1732261651.jpg)
-1732259528.jpg)
-1732180391.jpg)
