आज ३४ सय संक्रमित निको भए, २२ सय थपिए
आज देशभर तीन हजार ४५१ कोरोनाभाइरस संक्रमित निको भएका छन् भने दुई हजार २९९ जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार, आज देशभर १० हजार ५९६ जनाको स्वाब परीक्षण गर्दा दुई हजार २९९ जनामा संक्रमण देखिएको छ। जसमध्ये ६ हजार ५६६ जनाको पीसीआर परीक्षण गर्दा एक हजार ३९१ मा र चार हजार ३० जनाको एन्टिजेन परीक्षण गर्दा ९०८ जनामा कोरोना पुष्टि भएको हो।
बिहीबार १० हजार ९८५ जनाको स्वाब परीक्षण गर्दा दुई हजार ७६० जनामा कोरोना संक्रमण देखिएको थियो।
त्यस्तै, आज कोरोनाबाट ३४ जनाको मृत्यु भएको छ। बिहीबार ३३ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार १७९ पुगेको छ।
पछिल्लो तीन हजार ४५१ जना निको भएका छन्। बिहीबार चार हजार १७ जना निको भएका थिए।
-1732261651.jpg)
-1732259528.jpg)
-1732180391.jpg)
