आज २७ सय संक्रमित थपिए, चार हजार निको भए
आज देशभर दुई हजार ७६० जनामा कोरोनाभाइरसको संक्रमण देखिएको छ भने चार हजार निको भएका छन्।
स्वास्थ्य तथा जनसंख्या मन्त्रालयका अनुसार, १० हजार ९८५ जनाको स्वाब परीक्षण गर्दा दुई हजार ७६० जनामा कोरोना देखिएको हो। यस अनुसार संक्रमणदर १९.१ प्रतिशत रहेको छ। संक्रमणदर ५ प्रतिशतभन्दा बढी हुँदा उच्च जोखिम मानिन्छ।
उनीहरूमध्ये सात हजार १३० जनाको पीसीआर परीक्षण गर्दा एक हजार ८५७ जनामा र तीन हजार ८५५ जनाको एन्टिजेन परीक्षण गर्दा ९०३ जनामा कोरोना पुष्टि भएको हो।
त्यस्तै, आज कोरोनाबाट ३३ जनाको मृत्यु भएको छ। बुधबार ४१ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार १४५ पुगेको छ।
पछिल्लो २४ घण्टामा ४० हजार १७ जना निको भएका छन्। बुधबार तीन हजार ५९५ जना निको भएका थिए।
-1732261651.jpg)
-1732259528.jpg)
-1732180391.jpg)
