खेलाडीमा कोरोना देखिएपछि बन्द प्रशिक्षण स्थगित
खेलाडीमा कोभिड-१९ को संक्रमण देखिएपछि राष्ट्रिय फूटबल टोलीको बन्द प्रशिक्षण स्थगित गरिएको छ।
बन्द प्रशिक्षण शुरू गर्नुअघि खेलाडीको स्वाब परीक्षण गरिएको थियो। स्वाब परीक्षण गर्दा केही खेलाडीमा कोरोना संक्रमण देखिएको अखिल नेपाल फूटबल संघ (एन्फा)का प्रवक्ता किरण राईले बताए।
प्रमुख प्रशिक्षक अब्दुल्लाह अल्मुताइरीले बन्द प्रशिक्षणका लागि ५० खेलाडी छनोट गरेका थिए। खेलाडी र अन्य कर्मचारीहरूको स्वाब परीक्षण गरिएको थियो।
उनीहरूमध्ये २० जनामा कोरोना संक्रमण देखिएको प्रवक्ता राईले बताए। “खेलाडीसहित २० जनामा पोजेटिभ देखिएको छ, शंका लागेपछि पुनः परीक्षणका लागि पठाएका छौं,” उनले भने।
यससँगै बन्द प्रशिक्षण पनि स्थगित गरिएको छ। आजबाट बन्द प्रशिक्षण शुरू गर्न लागिएको थियो।
एन्फाले सूचना प्रकाशित गरी आज स्थगित बन्द प्रशिक्षण २३ असारबाट शुरू हुने जनाएको छ।
">http://
-1732261651.jpg)
-1732259528.jpg)