आज २४ सयमा संक्रमण, कोरोनाबाट ४२ जनाको मृत्यु
आज देशभर दुई हजार ४४४ जनामा कोरोनाभाइरसको संक्रमण देखिएको छ भने ४२ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, देशभर ११ हजार ६४० जनाको स्वाब परीक्षण गर्दा दुई हजार ४४४ जना कोरोना पुष्टि भएको हो। जसमध्ये ६ हजार ६४८ जनाको पीसीआर परीक्षण हुँदा एक हजार ५०९ जनामा र चार हजार ९९२ जनाको एन्टिजेन परीक्षण गर्दा ९३५ जनामा कोरोना देखिएको हो।
त्यस्तै, कोरोनाबाट आज ४२ जनाको मृत्यु भएको छ। आइतबार ३४ जनाको मृत्यु भएको थियो। योसँगै कोरोनाबाट मृत्यु हुनेको संख्या नौ हजार ५१ पुगेको छ।
पछिल्लो २४ घण्टामा तीन हजार ८५३ जना निको भएका छन्। आइतबार तीन हजार सात जना निको भएका थिए।
-1732261651.jpg)
-1732259528.jpg)
-1732180391.jpg)
