आज २४ सय संक्रमित थपिए, २५ सय निको भए
आज देशभर दुई हजार ४७४ जनामा कोरोनाभाइरसको संक्रमण देखिएको छ भने दुई हजार ५१८ जना निको भएका छन्।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा १२ हजार २३२ जनाको स्वाब परीक्षण गर्दा दुई हजार ४७४ जनामा संक्रमण देखिएको हो। जसमध्ये सात हजार २३५ जनाको पीसीआर परीक्षण गर्दा एक हजार ५७७ जनामा र चार हजार ९७७ जनाको एन्टिजेन परीक्षण गर्दा ८९७ जनामा कोरोना संक्रमण पुष्टि भएको हो।
त्यस्तै, आज कोरोनाबाट २४ जनाको मृत्यु भएको छ। बुधबार ८१ जनाको मृत्यु भएको थियो। योसँगै कोरोनाबाट मृत्यु हुनेको संख्या आठ हजार ९१८ पुगेको छ।
पछिल्लो २४ घण्टामा दुई हजार ५१८ जना निको भएका छन्। बुधबार तीन हजार ५५८ जना निको भएका थिए।
-1732261651.jpg)
-1732259528.jpg)
-1732180391.jpg)