एसियन कप छनोट : नेपालको समूहमा हङकङ र फिलिपिन्स

एएफसी महिला एसियन कप फूटबल प्रतियोगिताको छनोटमा नेपालले हङकङ र फिलिपिन्ससँग खेल्ने भएको छ।

एएफसीले बिहीबार जारी गरेको तालिकामा नेपाल समूह ‘एफ’मा रहेको छ। यो समूहमा हङकङ र फिलिपिन्स छन्। समूह विजेता एसियन कपका लागि छनोट हुनेछ।

२८ टोलीलाई आठ समूहमा विभाजित गरिएको छ। चार समूहमा चार–चार र अर्को चार समूहमा तीन–तीन टोली समावेश गरिएका छन्।

समूह ‘ए’ मा चाइनिज ताइपेई, बहराइन, तुर्किमेनिस्तान र लावस, समूह ‘बी’ मा भियतनाम, ताजकिस्तान, माल्दिभ्स र अफगानिस्तान, समूह ‘सी’ मा कोरिया, सिंगापुर, इराक र इन्डोनेसिया तथा समूह ‘डी’ मा म्यानमार, यूएई, गुआम र लेबनान रहेका छन्।

त्यस्तै, समूह ‘ई’ मा उत्तर कोरिया, उज्वेकिस्तान र मंगोलिया, समूह ‘जी’ मा जोर्डन, इरान र बंगलादेश तथा समूह ‘एच’ मा थाइल्यान्ड, प्यालेस्टाइन र मलेसिया रहेका छन्।

छनोट प्रतियोगिता १३-२५ सेप्टेम्बरमा हुनेछ। त्यस्तै, एसियन कप आगामी २० जनवरीदेखि ६ फेब्रुअरीसम्म भारतमा हुनेछ।