आज संक्रमित र निको हुने हाराहारी, ५२ जनाको मृत्यु
आज कोभिड-१९ संक्रमित र निको हुनेको संख्या हाराहारी रहेको छ। कोरोनाभाइरसको संक्रमणबाट थप ५२ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा दुई हजार ८२८ जनामा कोरोना संक्रमण देखिएको छ। आज १३ हजार २२ जनाको स्वाब परीक्षण गरिएको थियो।
देशभर आठ हजार ६८७ जनाको पीसीआर परीक्षण गर्दा दुई हजार १४ जनामा संक्रमण पुष्टि भएको हो। यस्तै, चार हजार ३३५ जनाको एन्टिजेन परीक्षण गर्दा ८१४ जनामा संक्रमण देखिएको स्वास्थ्य मन्त्रालयले जनाएको छ।
आज देशभर तीन हजार ८२ जना निको भएका छन्। योसँगै निको हुनेको संख्या पाँच लाख ८३ हजार ५२१ पुगेको छ।
पछिल्लो २४ घण्टामा कोरोनाबाट ५२ जनाको मृत्यु भएको छ। मंगलबार ४१ जनाको मृत्यु भएको थियो। योसँगै कोरोनाबाट मृत्यु हुनेको संख्या आठ हजार ५५८ पुगेको छ।
-1732261651.jpg)
-1732259528.jpg)
-1732180391.jpg)