आज २७ सय संक्रमित थपिए, ४१ सय निको भए
आज देशभर दुई हजार ७४५ जनामा कोरोनाभाइरसको संक्रमण देखिएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा १३ हजार २९० जनाको स्वाब परीक्षण गर्दा दुई हजार ७४५ जनामा संक्रमण पुष्टि भएको छ। जसमध्ये सात हजार ४४९ जनाको पीसीआर परीक्षण गर्दा एक हजार ६८१ जनामा र पाँच हजार ८४१ जनाको एन्टिजेन परीक्षण गर्दा एक हजार ६४ जनामा संक्रमण देखिएको हो।
सोमबार देशभर १४ हजार ८१९ जनाको स्वाब परीक्षण गर्दा दुई हजार ९१८ जनामा कोरोना संक्रमण देखिएको थियो।
त्यस्तै, कोरोनाबाट आज ४१ जनाको मृत्यु भएको छ। सोमबार कोरोनाबाट ५३ जनाको मृत्यु भएको थियो। योसँगै कोरोनाबाट मृत्यु हुनेको संख्या आठ हजार ५०६ पुगेको छ।
पछिल्लो २४ घण्टामा चार हजार १८७ जना निको भएका छन्। योसँगै निको हुनेको संख्या पाँच लाख ४० हजार ४३९ पुगेको छ। सोमबार पाँच हजार १४७ जना कोरोनाबाट निको भएका थिए।
-1732261651.jpg)
-1732259528.jpg)
-1732180391.jpg)