देशभर २४ सय संक्रमित थपिए, ३९ सय निको भए
आज देशभर दुई हजार ४०७ जना कोरोनाभाइरस संक्रमित थपिएका छन्।
स्वास्थ्य मन्त्रालयका अनुसार, १२ हजार ४०६ जनाको स्वाब परीक्षण गर्दा दुई हजार ४०७ जनामा संक्रमण पुष्टि भएको हो। कोरोना परीक्षण घट्दा संक्रमित पनि घटेको देखिएको छ।
शनिबार १४ हजार ४९४ जनाको स्वाब परीक्षण गर्दा तीन हजार ३८४ जनामा संक्रमण पुष्टि भएको थियो। केही दिनयता परीक्षण घट्दै गएको छ।
त्यस्तै, आज कोरोना संक्रमणबाट ४६ जनाको मृत्यु भएको छ। योसँगै कोरोनाबाट मृत्यु हुनेको संख्या आठ हजार ४१२ पुगेको छ।
पछिल्लो २४ घण्टामा तीन हजार ९९४ जना निको भएका छन्। निको हुने क्रम पनि केही दिनयता घट्दै गएको छ। शनिबार ६ हजार २९५ जनाका निको भएका थिए।
-1732261651.jpg)
-1732259528.jpg)
-1732180391.jpg)