आज ३७ सयमा संक्रमण, ५२ सय निको भए
कोभिड-१९ संक्रमित थपिने क्रम केही दिनयता स्थिर देखिएको छ। आज तीन हजार सात सय ५० जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १५ हजार १८२ जनाको स्वाब परीक्षण गर्दा तीन हजार ७५० जनामा संक्रमण देखिएको छ।
जसमध्ये नौ हजार ५९८ जनाको पीसीआर परीक्षण गर्दा दुई हजार ७०९ र पाँच हजार ५८४ जनाको एन्टिजन परीक्षण गर्दा एक हजार ४१ जनामा संक्रमण पुष्टि भएको हो।
बिहीबार १५ हजार २९३ जनाको स्वाब परीक्षण गर्दा तीन हजार ७४९ जनामा संक्रमण देखिएको थियो।
त्यस्तै, कोरोनाबाट ६७ जनाको मृत्यु भएको छ। योसँगै कोरोनाबाट मृत्यु हुनेको संख्या आठ हजार ३०५ पुगेको छ।
पछिल्लो २४ घण्टामा पाँच हजार २२५ जना निको भएका छन्। बिहीबार पाँच हजार २९३ जना निको भएका थिए।
-1732261651.jpg)
-1732259528.jpg)
-1732180391.jpg)