निको भए पाँच लाख संक्रमित
कोभिड-१९ बाट मंगलबारसम्म पाँच लाखभन्दा बढी संक्रमित निको भएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ५७० जना निको भएका छन्। योसँगै अहिलेसम्म पाँच लाख चार हजार ५३० जना संक्रमित निको भएका छन्। मंगलबारसम्म संक्रमित हुनेको संख्या पाँच लाख ९५ हजार ३६४ पुगेको छ।
दक्षिण एसियाका अन्य देशको तुलनामा नेपालमा निको हुने दर कम रहेको छ। नेपालमा संक्रमित निको हुने दर ८१.९ प्रतिशत रहेको छ। जबकी भारतमा ९३.४, पाकिस्तानमा ९२.५, बंगालादेशमा ९२.६ र श्रीलंकामा ८२.४ प्रतिशत रहेको छ।
संसारभको संक्रमित निको हुने दर ९०.४ प्रतिशत रहेको छ। संसारभर अहिलेसम्म पुष्टि भएका १७ करोड ४३ लाख ८४ हजार १४० जनामध्ये १५ करोड ७६ लाख ५२ हजार ५५१ जना निको भएका छन्।
-1732261651.jpg)
-1732259528.jpg)
-1732180391.jpg)