परीक्षण नबढ्दा पनि संक्रमित बढे, आज ५१ सयमा कोरोना
सरकारले परीक्षण नबढाउँदा पनि संक्रमितको संख्या बढेको छ। हिजोभन्दा आज ६ सय संक्रमित थपिएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पाँच हजार १५३ जनामा कोरोनाभाइरसको संक्रमण पुष्टि भएको छ। आज १७ हजार ६७६ जनाको स्वाब परीक्षण गरिएको छ।
सोमबार चार हजार ४७२ जनामा संक्रमण पुष्टि भएको थियो। जबकी १७ हजार ९०३ जनाको परीक्षण गरिएको थियो।
त्यस्तै, पछिल्लो २४ घण्टामा कोरोनाबाट १०८ जनाको ज्यान गएको छ। सोमबार ९२ जनाले ज्यान गुमाएका थिए। योसँगै कोरोनाबाट ज्यान गुमाउनेको संख्या आठ हजार ९८ पुगेको छ।
आज ६ हजार ५७० जना निको भएका छन्। सोमबार ६ हजार ९५१ जना निको भएका थिए।
योसँगै सक्रिय संक्रमितको संख्या ८२ हजार ७३६ पुगेको छ।
-1732261651.jpg)
-1732259528.jpg)
-1732180391.jpg)