श्रीमान् मन्त्री बनेको दुई दिनपछि श्रीमती पदमुक्त
जनता समाजवादी पार्टी (जसपा)को केन्द्रमा देखिएको विवादको प्रत्यक्ष असर प्रदेश २ सरकारमा परेकाे छ।
आइतबार प्रदेश २ का मुख्यमन्त्री लालबाबु राउतले भौतिक पूर्वाधारमन्त्री जितेन्द्र सोनल र राज्यमन्त्रीहरू डिम्पल झा, अभिराम शर्मा र सुरेश मण्डललाई पदबाट बर्खास्त गरे। जसपा उपेन्द्र यादव पक्षका मुख्यमन्त्री राउतले अर्का अध्यक्ष महन्थ ठाकुर पक्षका चार जनालाई पदमुक्त गरेका हुन।
भौतिक पूर्वाधारमन्त्रीबाट हटाइएकी डिम्पल झा ठाकुर पक्षका नेता अनिल झाकी पत्नी हुन्। अनिल झाले गत शुक्रबार मात्रै खानेपानीमन्त्रीको शपथ लिएका छन्।
ठाकुरले सहमति विपरीत १० जनालाई संघीय सरकारमा मन्त्री बनाएपछि यादव पक्षले प्रदेश सरकारबाट ठाकुर पक्षलाई हटाएका हुन्।
झण्डै जसपाकै जस्तो दृश्य एमाले पनि देखिएकाे छ। गत शुक्रबार प्रधानमन्त्री केपी शर्मा ओलीले रघुवीर महासेठलाई उपप्रधान तथा परराष्ट्रमन्त्री नियुक्त गरे। त्यही दिन उपप्रधानमन्त्री महासेठकी पत्नी जुलीकुमारी महतो पदमुक्त भइन्। महतोले महिला, बालबालिका तथा ज्येष्ठ नागरिक मन्त्रालय सम्हालेकी थिइन्।
नवनियुक्त स्वास्थ्य तथा जनसंख्यामन्त्री शेरबहादुर तामाङकी पत्नी उषाकला राई प्रदेश १ सरकारमा सामाजिक विकासमन्त्री छन्।
-1732452683.jpg)
