उपत्यकामा एकै दिन थपिए दुई हजार संक्रमित
काठमाडौं उपत्यकामा एकै दिन दुई हजारभन्दा बढी संक्रमित थपिएका छन्। यो हिजोको भन्दा ६ सय बढी हो।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौं उपत्यकामा दुई हजार ५७ जनामा संक्रमण पुष्टि भएको हो। बुधबार एक हजार ४५६ जनामा संक्रमण देखिएको थियो।
आज काठमाडौंमा एक हजार ६३०, ललितपुरमा २९८ र भक्तपुरमा १२९ जनामा संक्रमण देखिएको छ। बुधबार काठमाडौंमा ९६९, ललितपुरमा ३०६ र भक्तपुरमा १८१ जनामा संक्रमण देखिएको थियो।
आज सबैभन्दा बढी बागमती प्रदेशमा तीन हजार १०८ जनामा संक्रमण देखिएको छ। बागमतीमा सात हजार ९८४ जनाको स्वाब परीक्षण गरिएको छ।
त्यस्तै, गण्डकीमा चार हजार ८१२ जनाको स्वाब परीक्षण गर्दा एक हजार २३४ जनामा संक्रमण देखिएको छ। यसैगरी प्रदेश १ मा ५५६, प्रदेश २ मा २९५, लुम्बिनीमा ३२३, कर्णालीमा १५१ र सुदूरपश्चिममा १५८ जनामा संक्रमण देखिएको छ।
-1732261651.jpg)
-1732259528.jpg)
-1732180391.jpg)