आज ५३ सय संक्रमित थपिए, १०१ को मृत्यु
कोभिड-१९ संक्रमितको संख्या आज पनि घटेको छ। मृत्यु हुनेको संख्या भने मंगलबारको तुलनामा बढेको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पाँच हजार ३१६ जनामा कोरोना संक्रमण पुष्टि भएको छ। आज १६ हजार ८७८ जनाको स्वाब परीक्षण गरिएको थियो।
त्यस्तै, आज कोरोनाबाट १०१ जनाको ज्यान गएको छ। यो मंगलबारको भन्दा बढी हो। मंगलबार ६८ जनाको मृत्यु भएको थियो। योसँगै कोरोनाबाट मृत्यु हुनेको संख्या सात हजार ५५५ पुगेको छ।
कोरोनाबाट निको हुनेको संख्या पनि बढेको छ। पछिल्लो २४ घण्टामा सात हजार २१९ जना निको भएका छन्। मंगलबार ६ हजार ८९८ जना निको भएका थिए।
-1732261651.jpg)
-1732259528.jpg)
-1732180391.jpg)